Maajabu ya Namna Kondo la nyuma linavotumika
Pindi tu kondo la nyuma(placenta) inapotoka baada ya kujifungua, maamuzi dhidi ya nini kifanyike juu yake mara nyingi linaachwa kwa wahudumu wa afya. Tofauti ni pale tu inapotokea mtoto amepoteza maisha au wataalamu wanapokuwa na wasisi kuwa kondo la nyuma limechangia kuzaliwa kwa mtoto dhaifu. Katika nchi kama Tanzania watu wengi hata hawajui kondo la nyuma huwa linapelekwa wapi, mara nyingi huachwa hospitalini, ambapo itachomwa kama taka zingine za hospitali au, uwezekano mkubwa kutumika kwa ajili utafiti wa kimatibabu. Katika nchi zilizoendelea huweza kuuzwa kwa kampuni ya vipodozi kwa ajili ya kutengeneza bidhaa za urembo. Lakini kuna tamaduni nyingi duniani, ambazo kondo la nyuma hufikiriwa kuwa na uhusiano wa kudumu, wenye nguvu sawa na ule wa kimizimu au kichawi na mtoto aliyetumia kondo hilo tumboni, kwa sababu hiyo utupaji hushughulikiwa kwa heshima kubwa. Kifupi tamaduni nyingi zina desturi zinazohusiana na kondo la nyuma huamini kwamba ikiwa halikuzikwa vizuri, mtoto—au wazazi, au hata kijiji kizima watapata laana au matokeo mabaya sana.
Katika baadhi ya tamaduni za kiasili, kwa mfano, mara tu baada ya kuzaliwa kwa mtoto, baba anatakiwa kwenda sehemu ya mbali na kuzika kondo la nyuma kwenye kina cha kutosha ili wanyama au watu wasiweze kuiona au kuigundua kwa namna yeyote ile. Vinginevyo, kondo la nyuma linaweza kupata “wivu” juu ya kwa nini watu wanamwona mtoto ndo kila kitu na hawalishughulikii kondo la nyuma(Placenta) na inaweza kulipiza kisasi kwa kusababisha janga ikiwemo mlipuko wa magonjwa.
Ujauzito Wiki Ya Pili
Katika baadhi ya tamaduni za wahindi wa Amerika Kusini wanaamini kuwa maisha ya mtoto yatafuata au yanaweza kuathiriwa vitu vilivyozikwa na kondo la nyuma. Kulingana na mwanaanthropolojia J. R. Davidson, wazazi katika kabila la Qolla “huzika zana ndogo zilizonakiliwa baada ya zile zilizotumiwa katika maisha ya watu wazima na kondo la nyuma, kwa matumaini ya kuhakikisha kwamba mtoto huyo atakuwa mfanyakazi mzuri. Mara nyingi kondo la nyuma la mvulana huzikwa kwa koleo au kachumbari, na za wasichana huzikwa kwa kitanzi au jembe.” Nchini Ufilipino, akina mama huzika kondo la nyuma kwa kutumia vitabu ili kuhakikisha kwamba kuna mtoto aliyezaliwa atakuwa na akili.
“Lakini sio kila jamii huzika kondo la nyuma kuna baadhi ya jamii hutumia kondo la nyuma kwa kazi zingine. Hapo kale nchini, kondo la nyuma za pharaohs zilifungwa kwenye vyombo maalum ili kuwalinda kutokana na madhara. Kulingana na mtafiti Anne Glausser kuna wakati kondo la nyuma lilitumika kama tegemeo la farao katika hafla za umma. Wanahistoria wengine wanaamini kwamba piramidi ndogo zaidi zilijengwa kama kaburi la placenta za mafarao. Katika maeneo ya Peru, kondo la nyuma huchomwa,na majivu huchanganywa na maji, kisha mchanganyiko huo hupewa watoto kama dawa ya magonjwa mbalimbali ya utotoni. Kondo la nyuma ni dawa ya jadi ya Kivietinamu inayotumika kutibu utasa na uzee. Na nchini India, kugusa kondo kunapaswa kumsaidia mwanamke asiye na mtoto kupata mimba yenye mtoto mwenye afya. Huko Uchina, watu wanaamini kwamba akina mama wanaonyonyesha wanaweza kuboresha ubora wa maziwa yao kwa kunywa mchuzi uliotengenezwa na kondo la nyuma lililochemshwa. Lakini pia huwa inatumika kuharakisha leba kwa kula kipande chake kilichokaushwa.
